ما الحب يا صغيرتي الا العذاب
عذاب و شقاء
شقاء المحب عند الفراق
عذاب الحبيب عند اللقاء خشية الافتراق
يا صغيرتي الحب عذاب
عذاب اللقاء و الجفاء
شقاء الرؤية و الانعدام
صغيرتي لا تحبي مطلقا
لا...لا يا صغيرتي أحبي
فالحب بحر عميق من الحنان
من المشاعر المتأججة برؤية الحبيب
من الخواطر الملازمة للمحب الحبيب
و لكن البحر يحوي المخاطر يا صغيرة
يحوي أعاصير الفرقة و الاشتياق
يحوي قروش الخطيئة الكبرى
يحوي أسماك جميلة المنظر سامة الملمس
فاحذري أن تحبي احدها يا صغيرة
فللحب فنون
و للعقل لحظات من فتون
و للقلب ساعات من الجنون
14 comments:
فللحب فنون
و للعقل لحظات من فتون
و للقلب ساعات من الجنون
حلو قوى يا بنتى الكلام ده
و خصوصا المقطع الأخير
احلى حاجه انك بتوضحى التردد بين انها تحب او لا تحب
مشاعر الحيره واضحه
تحياتى
مرسي مانو على زيارتك الجميلة
و ازي الدراسة معاك؟؟
يعني أحب ولا ماحبش :)))؟؟؟
السلام عليكم
بجد كلام حلو
وبيعدل الدماغ
اكتبي دايما وخلينا نقرا اشيا حلوة
شريهان
ساعات الناس بتقول ان الحب و الحيرة أخوات و ان العقل و القلب ولاد عم
و ما تقدربش تحكمي في المعركة هيبقى مين على مين
نورتي البلوج و يا ريت تكوني فهمتيني
صلاح جابر
و عليكم السلام و رحمة الله
شكرا على كلامك الجميل
و من عنيا حاضر هكتب بس انت تابعني بالتشجيع كدة على طول
احبها ام لا
سؤال نفسي داخل كل شاب في لقاء كل فتاة
اعتقد انك جبتى الجواب في كلامك
تحياتى
شارم
شكرا على زيارتك
و حقيقي مبسوطة بردودكم جميعا
بالتوفيق جميعا
هو احنا في الحب ولا فيه ايه ياصاحبي انتا اسلوبك كويس بس عاوزك توظفه في محاربه الظلم في مصر وياريت تبقي تكتبلي علي المدونه بتاعتي
اخي فارس
من الواضح ان انت ما فهمتش المعنى كله ارجو انك تقرا الموضوع تاني
كما نصيحة مني لو تقبلها..تحلى ببعض التأني يعني ما تحكمش على بلوج من بوست واحد حاول تقرأ بعض مواضيع كتبتها قبل كدة قد تجد ما يدهشك
حاجة صغيرة كمان انا بنت يعني المفروض تكلمني بالصيغة المؤنثة دة بس دليل مني على انك ممكن تكون بحاجة الى بعض التأني
و اخيرا اتمنى ما تزعلش مني و أرجو منك ان تشرفني دايما بالزيارة
لا والله ابدا انا متاسف اوي بس جايز انتي مفهمتيش وجهه نظري الحب طبعا اسمي حاجه في الوجود ومينفعش نفضل من غير علي العموم انا متاسف وياريت تقبلي اعتذاري اخوكي فارس
ابدا فارس لا اعتذار و لا حاجة انا بحترم رأيك جدا
و مستنية تعليقك على البوست الجديد
حابب صفاتك و مقدرش اسيبها
لاني عارف مقدرش اجيبها
وسط حياة تافهة و بسيطة
مليانة ناس راضية بعيوبها
محمد
كلام جميل جدا زي الفيلم
مرسي على الزيارة
يا رب تتكرر
Post a Comment