لسة عندي حاجات كتير اوي احكيها عن اللى حصلي الترم اللي انتهى دة
من الحاجات دي حالة عجيبة اوي سيطرت علي -و على كل اصحابي اللى سألتهم- الا و هي الملل
احساس فظيع بالملل من الدراسة و من الدكاترة و من الدنيا و اللي فيها , و طبعا الاحساس دة ما خلنيش اذاكر اي حاجة طول الترم -و أكيد هشوف نتيجة دة لما النتيجة تطلع-
بس فعلا دي حاجة انا مستغربة منها .... اشمعنى يعني السنة دي ؟؟
يمكن عشان الواحد جاب اخره من الحاجات المتخلفة اللي بندرسها...حاجات بقت تراث اصلا
و ما أقلكوش لما المنهج بتبقى فيه جزئية جديدة بحس ان الدكتور هيزغرد من الفرحة و يفضل يذلنا بالحتة دي و بالمجهود الفظيع اللى سيادته عمله عشان يحدث لنا الكتاب بأفضل ما توصل ايه العلم الحديث !!
و طبعا تبدأ نغمة المدرسين الثانوي بانه الوحيد في الكلية كلها الي بيهتم بالكتب و تحديثها
و الله دة حرام... ليه ما نخليش عندنا شوية ضمير في اي شغلة بنعملها ؟؟؟
يعني اية اللي يجرى للدكتور انه قبل ما يدي الموافقة بطبع الكتاب انه يراجعه و يجدده مش عشانا يا سيدي عشان نفسك ..بالله عليك ما بتبقاش مكسوف و انت بقول كلام عفا عليه الزمن
في النهاية ما عنديش الا ...حسبي الله و نعم الوكيل ...في كل اللي سبب للجيل كله الاكتئاب و الملل
5 comments:
متفكرنيش يا بنتى
ما صدقت آخد اجازه و استريح شويه
من الهم ده
و بعدين نتيجه...ليه كده
متفكرنيش
كلها كام يوم و راجعين تانى
تحياتى
حقيقة لا مفر منها يا mariam ..انا بالنسبة لي الدراسة بدأة من بكرة
و شكرا يا جميل على مرورك
U generalise..and that is not Fair..I am a University Lecturer..have ph. D from germany...and I do not have Books and sell No books,,manty Otheres R Like me,,but 4 sorrow in Our Country where we Live .Science and scientists who spend all their Lives Searching..and was the Best of their Generations..R not valuated..when we Valuate the school Teacher and the Member stuffs at Uni.,,,we will B a good nation
مش حاجة كويسة ان انت ما يبقاش ليك كتاب انت كدة تعذب الطلبة اكتر .... يعني اية المشكلة الجامدة لو عملت كتاب و راجعته كل سنة قبل ما ينزل , تضيف الجديد و تشيل القديم
عامة منور المدونة و مشرفني دايما برأيك
I like 2 Know what the new Generation Think ...as I notice,,,as I am old man naw (38) that many attitudes R going different..
so I like 2 communicate with U ,,,U can Consider me as Ur Old Brother ,,
thx
Post a Comment