يا نهار زي بعضه انا ما كتبتش من اول اسبوع في الدراسة 
؟؟؟
؟؟؟دة انا حصللي حاجات غريبة جدا الترم دة اللي ما يعلم بيه الا ربنا
اولا : انه في يوم عيد ميلادي حد ابن...حلال سرق شنطتي الهاند باج بكل اللي فيها و فص ملح و داب طبعا مش هوصف لكم احساسي ساعتها كان عامل ازاي ...عرفين اول انطباع لي- ساعة ما نزلت من المدرج و قعدت ادور على الشنطة- كان اية؟؟؟ 
اه و الله قعدت اضحك بطريقة هستيرية في الواقع و اقول لصحباتي ان الغدا النهاردة كشري-عشان الشنطة كان فيها الغدا بتاعي و بما ان الشنطة بح خلاص فالغدا بقى كشرى و في الاخر رست على فول من غير طعمية كمان شفتوا الغلب-
اه و الله قعدت اضحك بطريقة هستيرية في الواقع و اقول لصحباتي ان الغدا النهاردة كشري-عشان الشنطة كان فيها الغدا بتاعي و بما ان الشنطة بح خلاص فالغدا بقى كشرى و في الاخر رست على فول من غير طعمية كمان شفتوا الغلب-المهم اني رحت ادور على اي حد ينجدني او حتى يفهمني اية الي حصل اصلا ....ووصلت اخيرا لقائد الحرس بتاع الكلية و حكيتله على الموضوع و كما هو متوقع كان اول رد" ما دة مش مكان يتحط فيه الشنط برده"
و طبعا بعد ما ذهلت خمس دقائق من الرد اللي يحرق الدم دة قلتله ان كل الطلبة في الكلية بيحطوا شنطهم تحت السلم
وانا عملت زيهم لا اكتر و لا اقل..
المهم ان الراجل كان متعاون جدا متعاطف جدا والله بس تقدروا تقولوا كدة ان ماكانش في حاجة بايده يعملها اصلا .
الاسبوع الى بعديه اتسرقت شنطة بنفس الطريقة و اما رحت اسال عن الموضوع سيادة المقدم قال لي ان السرقة في الكليات شئ عادي جدا بس عادة بيحصل في مسجد الكلية 
الموضوع كله كان بالنسبة لى صدمة..صدمة عشان عدة اسباب
الموضوع كله كان بالنسبة لى صدمة..صدمة عشان عدة اسباب اولا: ان حد عندة البجاحة الكافية لانه يشيل شنطة بالحجم الكبير دة و يمشي بيها عادي كدة
ثانيا: ان قائد الحرس قاللي ان أغلب الظن انها واحدة عرفاني عشان على الاقل تضمن اني مش هكبس عليها و هي شايلة الشنطة
ثالثا: و دة الاهم ان احنا كنا في شهر رمضان
و اخيرا ازاي حد يسرق اصلا ؟؟ازاي يمد ايده على حاجة اخوه من غير ما يفكر اية الى ممكن يحصله ؟؟
يعني اقل حاجة اني فقدت حاجات اقل تقدير مادي ليها بــــ600جنية و اقل تقديرمعنوي ليها اني ما قدرتش ادخل المدرج لنهاية الترم خوفا من فكرة اني ممكن اقعد جبن اللي خانتني و طعنت ثقتي بيها
ايوة السرقة صورة طبق الاصل من الخيانة ...خياااااااااااااااااااااااانة
2 comments:
بمنسبة السرقة بقي يا بلو سكاي احنا لينا حتة موجوده في الكلية بتاعتنا والكلية كلها عارفة ده واحنا مسمينها المقر واصلا مابتفضاش بني ادميين وفي يوم من ذات الايام نفاجأ باختفاء شنطتين لبنتين .
نسيت اقولك ان احنا في هندسة وده معناه ان بنت من الاتنين كانت في عمارة يعني شنطتها فيها ادوات والوان واقلام تحبير وغيره بما يعادل 150 جنيه تقريبا وده غير الموبايل وخلافه بس
ونو كومنت بعد كده
بس سيبك من كل ده الفكرة ان ده كان في رمضان برده تفتكري ليييييه؟؟؟؟
azmeralda ...شكرا على مرورك الكريم
و حقيقي مش عرفة السبب اللي يخلي اي حد يسرق...يعني اية يخليه يعرض نفسه لخطر كبير زي دة في الدنيا و لغضب ربنا في الاخرة ...
شئ غريب ..مش كدة؟؟؟
Post a Comment